სანიტარულ–ჰიგიენური მოთხოვნების შესახებ ერთდღიანი ტრენინგი ჩატარდა.

ბიზნესგაერთიანება „საქართველოს დამსაქმებელთა ასოციაციის“ მხარდაჭერით 2015 წლის 28 მარტს ასოციაციის წევრი კომპანიებსთვის სანიტარულ–ჰიგიენური მოთხოვნების შესახებ ერთღიანი ტრენინგი ჩატარდა. 
ტრენინგი „სანიტარული-ჰიგიენის მოთხოვნები სურსათის წარმოების პერსონალისთვის - ISO/TS 22002.1 - საბაზისო პროგრამები“ ასოციაციის წევრმა კონსალტინგურმა კომპანიამ „მენეჯმენტის სისტემებმა“ განახორციელა.


სწავლების მიზანი იყო პროდუქტის ჰიგიენა, სანიტარულ-ჰიგიენური ნორმები და მათი შესრულების ინსტრუქციები. აღნიშნული ტრენინგი ეხმარება სუფთა ზონის პერსონალს გამოიმუშავებს და დახვეწოს პროდუქტის დამზადების და მიწოდების ჰიგიენის საჭირო უნარ-ჩვევები სურსათის უვნებლობის თვალსაზრისით. 


შეგახსენებთ, რომ საქართველოს მთავრობის 25.06.2010 წლის №173 დადგენილებით განისაზღვრა სურსათის/ცხოველის საკვების მწარმოებელი საწარმოს/დისტრიბუტორის ჰიგიენის ზოგადი წესი, რომელიც ადგენს ზოგად ჰიგიენურ მოთხოვნებს სურსათის/ცხოველის საკვების მწარმოებელი საწარმოს/დისტრიბუტორის მიმართ და ვრცელდება სურსათის/ცხოველის საკვების წარმოების, გადამუშავებისა და დისტრიბუციის ყველა ეტაპზე. ამავე დადგენილებით განსაზღვრულია ზედამხედველობის, მონიტორინგისა და სახელმწიფო კონტროლის განხორციელების წესი. 


მიზნობრივი ჯგუფი, რომელზეც ვრცელდება დადგენილების მოთხოვნები არის სურსათის პირველადი დამუშავების და გადამამუშავებელი საწარმოების, იმპორტიორის, სადისტრიბუციო, სასაწყობე-სამაცივრე ორგანიზაციების, რესტორნების, სასტუმროების, კვების ობიექტების, ჰიპერმარკეტების და მცირე სარეალიზაციო ქსელების სუფთა ზონაში მომუშავე ყველა თანამშრომელი.
ტრენინგის დასრულების შემდეგ მონაწილეებს შესაბამისი სერტიფიკატები გადაეცათ.